ជំនាញធ្វើចលនា 3D ឬក៏ហៅថា 3D Animation បច្ចុប្បន្នកំពុងតែមានតម្រូវការច្រើន មិនតែប៉ុណ្ណោះជំនាញមួយនេះក៏អាចឲ្យអ្នកទាំងអស់គ្នាទាញចំណូលពីវាបានខ្ពស់ផងដែរ។ លើសពីនេះទៅទៀត សម្រាប់ជំនាញមួយនេះបច្ចុប្បន្នក៏មានវគ្គសិក្សាច្រើនដែរទៅតាមកម្រិតផ្សេងៗ ដោយឡែកប្រសិនបើអ្នកទាំងអស់គ្នាទើបតែចាប់ផ្តើម ហើយចង់ស្វែងយល់ដោយខ្លួនឯងទុកធ្វើជាគ្រឹះគឺអាចចូលទៅប្រើប្រាស់និងរៀនពីវេបសាយមួយនេះបាន។
សម្រាប់វេបសាយមួយនេះមានឈ្មោះថា Spline ដែលវាជាវេបសាយមួយកំពុងពេញនិយាយសម្រាប់អ្នកចង់ធ្វើ 3D Animation ដោយវាមាន Tool ច្រើនសម្រាប់ប្រើប្រាស់ មានមុខងារច្រើន ជាពិសេសគឺមុខងារ AI។ មិនតែប៉ុណ្ណោះ កិច្ចការដែលយើងធ្វើនៅក្នុង Spline នេះគឺយើងអាចប្រើប្រាស់វានៅក្នុងអេបទូរស័ព្ទ វេបសាយ ឬក៏ដាក់ក្នុង VR ជាដើម។
ចំពោះការប្រើប្រាស់ អ្នកទាំងអស់គ្នាគ្រាន់តែធ្វើការចុះឈ្មោះជាមួយនឹង Email បន្ទាប់មកអាចប្រើបានហើយ ដោយនៅក្នុងនេះគឺយើងអាចរៀនតាមរយៈគម្រូរគេដែលមានស្រាប់ក៏បាន រៀនបង្កើតថ្មីខ្លួនឯងក៏បាន លើសពីនេះទៅទៀតអ្នកទាំងអស់គ្នាអាចចូលទៅកាន់ Tutorial ដើម្បីមើលមេរៀនផ្សេងៗក៏បានដែរ ដោយមេរៀននៅក្នុងនេះគឺបង្ហាញពីរបៀបក្នុងការប្រើប្រាស់ ការបង្កើត ទៅតាម Object នីមួយៗដែលចង់បង្កើត។
អត្ថបទដោយ៖ រិន មករា
